Atxorrotx Kultura Elkarteak jakinarazi du 2022ko Errekan Gora jaialdia irailaren 16an, 17an eta 18an izango dela. Azken edizioaren ildo beretik, aste bukaera bakarrera mugatu dute programa, eta, musika taldeak ardatz, herritarrek egun gutxitan ikuskizun apartekin gozatu ahal izango dutela azpimarratu dute. Aurreratu dutenez, emakumezkoen presentzia nabarmena izango da aurtengo edizioan.
Guztiak izango dira musika taldeak; hain zuzen ere, sei musika talderen kontzertuak izango dira asteburu horretan zehar sakabanatuta, eta estilo askotarikoak, gainera. Hala ere, jaialdi honetan, zenbait kasutan, berezitasuna izaten da herriko txoko ezberdin eta ezohikoak erabiltzea emanaldiak egiteko. Aurten, baina, Fernando Eskoriatza plazan izango dira gehienak, Gernika plazan bakarra eta herriko kaleetan zehar arituko da beste talde bat.