Eskoriatzako Udaletik jakinarazi dutenez, Gipuzkoako Ur Kontsortzioak hoditeria nagusian hainbat hobekuntza lan egin behar ditu, eta, Jose Arana Nagusien egoitza atzealdetik pasatzen den bidegorria itxi egingo da bi hilabetez. Astelehenean hasi zituzten lanak, eta nagusien egoitzatik Intxaurtxuetako pasabidera arteko bide-zatia oinezkoentzako moztuta geratu da, eta horrela egongo da uztaila bukaera arte.
Lan horiek egiteaz batera, uztaileko azken astean, berriz, Intxaurtxuetako pasabidea eta Fagor Automationera bitarteko bidegorri zatia moztuko dute eta oinezkoak ezingo dira bertan ibili abuztu osoan. Gauzak ondo bidean, irailean normaltasunez zabalduko dela bidegorria, adierazi dute Eskoriatzako Udaletik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.