Ekainaren 28an jakinarazitako gertakariaren inguruan salaketarik ez dagoela, baina "exhibizionismoa egotzita" atestatua irekita dagoela azaldu du Ertzaintzak. "Gizonezkoa identifikatu behar da eta seguru asko epaitegira joango da gero", gaineratu dute.
Eskoriatzako Mugimendu Feministak adierazi du gertatutakoa ezin dela "kasu isolatu edo puntual gisa" ulertu: "Gizonezko honek lehenago ere behin baino gehiagotan jazartu izan ditu herriko hainbat emakume –adin nagusi zein txikikoak–. Horiek ere herriko hainbat lekutan egin dira.
Hala, erasoen aurrean "autodefentsa feminista" aldarrikatu du Mugimendu Feministak, eta "tinko eta zurrun" jokatuko dutela, "espazio aske eta seguruen aldeko borrokan". Mobilizazioa gaur 18:30ean izango da herriko plazan.