34 domina batu zituzten, guztira, Eskoriatzako ordezkariek eta lan txukuna egin zutela adierazi arren, gaztetxoenek egindako lana azpimarratu zuen Rafa Carrietek, Eskoriatzako Atama kenpo taldeko entrenatzaileak: "Atamako borrokalariak bikainak dira. Urteak daramatzatenek emaitza apartak lortu arren, gaztetxoenek egindako lan ona nabarmenduko nuke. Horiek dira taldearen etorkizuna mantenduko dutenak…".
Aita-semeak bikain
Besteak beste, Ion Garcia eta Jose Antonio Garcia Mondra aita-semeak pozik geratu dira egindako lanarekin. Izan ere, Jose Antonio Garciak zilarrezko domina lortu zuen defentsa pertsonal kategorian, eta brontzezko domina semikempo modalitatean. Semea, Ion-ek, berriz, brontzezko domina lortu zuen defentsa pertsonalean eta urrea semikempon.
