Argindarra eten da Eskoriatzan, poste elektriko batean izandako matxuragatik

Astelehen gaueko 21:30ak bueltan pasa zuen Iberdrolak abisua: poste elektriko batean izandako arazo bat tarteko, argindar gabe gelditu zen Eskoriatza. Goizaldean itzuli zen elektrizitatea etxe askotara, baina bizilagunek jakinarazi dutenez, martitzen goizean ere argindar gabe esnatu dira hainbat eraikin; tartean, Intxaurtxueta auzoko batzuk.

Arazoak dira bart gauetik argindarrarekin Eskoriatzan. Poste elektriko batean izandako matxura baten erruz, 21:30ak bueltan elektrizitate gabe gelditu zen herria. Ordubeteren bueltan berriz piztu ahal izan zituzten gailu elektrikoak eskoriatzar askok, baina ez guztiek.

Hainbat bizilagunek Goienari jakinarazi diotenez, gaur goizean argindar gabe esnatu dira herriko hainbat txoko; tartean, Intxaurtxueta auzoko eraikin batzuk. Horren adibide, Eskoriatzako Udalak webgune bidez jakinarazi du Manuel Muñoz kiroldegia itxita egongo dela goizean. "Eguerdi alderako berriro irekitzea aurreikusten da", udal ordezkarien hitzetan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.