Ekainaren 18an izango da Gabez Takarraran, oinez eta korrika

2019ko lasterketako irteera unea.

Gabez Takarraran gaueko mendi lasterketari jarri diote eguna Eskoriatza Kirol Elkarteko antolatzaileek. Hain zuzen ere, ekainaren 18an izango da, eta dagoeneko aukera dago izena emateko, inscripcion.kirolprobak.com webgunean. [oinez egiteko edo korrika egiteko].

Plazak mugatuak direnez, eta antolakuntza lanak aurreikuspenekin prestatzeko asmoz, interesdunei lehenbailehen izena emateko gomendioa egin nahi izan diete antolatzaileek. Horrekin batera, izena emateko azken eguna ekainaren 13a izango dela nabarmendu dute.

Azken edizioetan egin den moduan, parte hartzaileek korrika egin ahalko dute 25 kilometroko ibilbidea, eta, modu horretan barik, lasaiago oinez egin nahi duenak ere aukera izango du era horretan egiteko. Hala, korrikalariak 22:00etan hasiko dira Fernando Eskoriatza plazatik, eta oinez egingo dutenak, berriz, 20:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.