Laguntzeko borondate handia ikusita, eskertuta

Atxorrotx Kultura Elkartearen egunean, Fernando Eskoriatza plazan, puzgarriak haurrentzat ireki zituzten unea.

Joan den zapatuan ospatu zen Atxorrotx Kultura Elkartearen eguna, herritar ororentzat zuzendutako ekintzekin. Herritarren erantzuna ona izan zen, eta, beraz, gustura agertu dira elkarteko kideak; horrek aurrera begirakoak prestatzeko bultzada eman diela nabarmendu dute.

"Txistulariei, talogileei, Motxila 21 taldeari, buruhandiei… eskerrak eman nahi dizkiegu. Azpimarragarria izan zen Atxorrotx Kultura Elkarteko kideek eta baita elkartetik kanpo daudenek laguntzeko borondatea agertu zutela. Batez ere, herri bazkarian. 160 pertsonatik gora batu ginen, eta guztiek une oro laguntzeko borondatea erakutsi zuten. Modu horretan, lanak askoz samurrago egiten dira. Elkartearentzat indarberritzeko eguna izan zela esan dezakegu", adierazi dute Atxorrotx Kultura Elkarteko ordezkariek esker mezu gisa. 

Atxorrotx Kultura Elkartearen eguneko herri bazkaria.

Motxila 21 taldearen emanaldia Fernando Eskoriatza plazan.

Eskoriatzako talogileak jana prestatzen.

Erlazionatuak

Txikienak, Atxorrotx Kultura Elkartearen egunaz gozatzen

Eskoriatza

Puzgarrietan ibili dira, salto eta salto, goiz osoan zehar. Gainera, talogileek, talo goxoen usainarekin erakarri dituzten herritarrak, Fernando Es...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.