Herriari keinu egin dion udaberriko kontzertua jo du Beheko Errota Musika Eskolako bandak

Eskoriatzako musika bandako kideek hiru pieza eskaini dituzte herritarren aurrean, Jesus Urrutia Eskoriatzako bandako zuzendariaren gidaritzapean; horietako bat, lehen aldiz. Mario, Aitzorrotz eta Esko Aurrera piezak dira jendaurrean jotzeko prestatu dituzten kantak.

Mario izeneko pieza Mario Padilla Eskoriatzako euskaltzalea eta txistularia omentzeko kantua da; Aitzorrotz pieza, berriz, lehenengoz entzun dute Zaldibar antzokira joan direnek. Jesus Urrutia zuzendariak sortutako pieza da hori, eta, hiru zatitan, Atxorrotxeko historia kontatzen du. Esko Aurrera pieza, azkenik, Imanol Andetxaga bandako musikariak sortutako pieza musikala da, eta San Pedro eta Intxaurtxueta auzoetako jaietan, San Pedro Txikietan, estreinatu arren, berriro entzuteko aukera izan dute eskoriatzarrek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.