Aste Santuan bi txanda izan ditu Eskoriatzako Kirol Elkarteak antolatutako Aresko saskibaloi campusak: lehenengo txanda apirilaren 11tik 13ra izan da eta bigarrena, berriz, apirilaren 19tik 22ra. Antolatzaileek balorazio positiboa jaso dute bi txandetan aritu diren parte hartzaileen partetik, eta hasiera batean ezarritako helburuak bete dituztela azpimarratu dute: gaztetxoenak saskibaloira gerturatzea eta kirola eginez ondo pasatzea.
"28 neskatila aritu dira campuseko bi txandetan, eta oso pozik gaude, ikasteko gogo handiz etorri direlako. Gainera, June Guenetxea Araski taldean debuta egin berri duen eta gaztetxoen erreferentziazko jokalaria denaren laguntza izan dut, besteak beste; beraz, ederto. Hala, balorazio bikaina egiten dugu", adierazi du Zuhaitz Gonzalezek, Aresko campuseko koordinatzaileak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
