Atzo hil zen Gregorio Palacios arrasatearra, 70 urte zituela. Eskoriatza Kirol Elkarteak futbol taldea zuen garaiko entrenatzailea zen, eta doluminak eman nahi izan dizkie Eskoriatzako klubeko kideek senide eta lagunei, sare sozialen bitartez, aspaldiko zenbait argazki argitaratuz.
Futbol entrenatzaile ohia eta kirol elkartean lan asko egindakoa zen Palacios, eta horren adierazle da, 2018ko maiatzaren 26an, Eskoriatza Kirol Elkartearen eguna ospatu zenean omenaldia egin ziotela.
Joseba semeak eraman zuen aita plazara, eta inguruan elkartu ziren haren esanetara jardundako hainbat jokalari ohi eta Udaleko eta kirol elkarteko ordezkariak. Lore sorta eta txapela jaso zituen Gregoriok, eta eskerrak eman zizkien guztiei Josebak, aitaren izenean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
