'Korrotik pikutara', dantzaren historia dantzan eskainiko dute

Imanol Beloki Unamuno 2022ko urt. 24a, 16:26
Kezka dantza taldea.

Eibarko Kezka dantza taldeak erromerietako dantzen historia-dantzatua eskainiko du domeka honetan, 19:00etan, Zaldibar antzokian. Korroan, borobilean hasi eta soka-dantza, ingurutxo, kontra-dantza eta bikote dantzetatik pasa ondoren, soltean, bakarka eta noraezean edo pikutan bukatuko duen ikuskizuna.

Dantzaren historia honen ideia Juan Antonio Urbeltzi zor zaio; soka-dantzaren historia aztertzerakoan euskal dantzen bilakaera azaldu zuen. Hartan oinarrituta sortu du Oier Araolaza antropologoak, eta Kezka dantza taldearen zuzendaria ere badenak, Korrotik Pikutara ikuskizuna. Eta bera izango da dantzariak zuzenduko dituena eta ikusleei ikusten ari direna ulertzen lagunduko diena.

Zuzeneko musikarekin

Ikuskizunean Kezka dantza taldeko zortzi dantzarik hartuko dute parte eta haien dantzari musika jartzen, musikari handiak egongo dira, zuzeneko musika eskainiz:

  • Jose Migel Laskurain (txistua)
  • Adolfo Jainaga (trikitixa)
  • Quico Puges (biolontxeloa)
  • Gari Otamendi (biolina)
  • Iraide Ansorenak (perkusioa)
  • Unai Narbaizak (panderoa)

Sarrerak 5 euroko prezioan eskuratu daitezke Manuel Muñoz kiroldegiko leihatilan edo www.bibe.me webgunean.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak