Elkarretaratzean, COVID paseari ez esateko honako lau arrazoi adierazi zituzten:
1) Diskriminatzailea delako eta komunitatean segregazioa bultzatzen duelako.
2) Intimitaterako eskubidea urratzen duelako.
3)Datu pertsonalen babeserako legea urratzen duelako.
4) Osasun neurri bat baino kontrol sozialerako tresna delako.
Hori horrela, eta arrazoi horien ondorioz honakoa adierazi zuten Bizitzakideak Eskoriatza taldeko kideek: "Bizitzakideok herritar guztion giza-eskubideak aldarrikatzen ditugu, izan txertatuak edo txertatu gabeak. Kultura, kirola, zaintza-harremanak, aisialdia eta ongizatea guztiontzako! Konfrontazioaren gainetik komunitatearen batasuna sustatu nahi dugu".
