Euskararen Egunerako egitaraua zuen prestatua Eskoriatzako Udalak. Buruhandiak, Gauargi taldearen emanaldia eta Bost Axola taldearen kontzertua ziren egitekoak, baina, COVID-19agatik gaur egun dagoen egoera ikusita, ekitaldi horiek guztiak bertan behera uztea erabaki dute.
Biharko egitaraua bertan behera geratu den arren, Tortolis ludotekan jarri duten euskarazko jostailuen azoka martxan da atzotik. Hala, gaur eta bihar arratsaldeko 16:45tik 19:15etara egongo da zabalik. Erakusketan, euskaraz eskaintzen diren mahai jolas eta jostailuak biltzen dira batez ere, baina badira edozein hizkuntzatan jolastu daitezkeenak edo kooperatiboak direnak jendeak ere ikus ditzan.
Gaur goizean, Jose Arana ikastolako taldetxoa hurbildu da jolasak probatzera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
