"Guztira, hiru partidu jokatu ditugu: kopako bat, galdu egin genuena, eta irabazi ditugun ligako bi partiduak. Joan den jardunaldian lazkaotarrei 6-3 irabazi genien, etxean, eta garaipen harekin motibatuta gau-de taldekideak. Hala, bolada ona aprobetxatu nahi dugu, goiko postuetan jarraitzeko. Taldea iazko berbera da, ez dugu alda-keta handirik izan, baina, beti esaten dugun moduan, jokalari gehiago izatea oso ondo etorriko litzaiguke", adierazi du Marta Garciak, taldeko kapitainak.
Areto futboleko senior mailako emakumezkoen mailan, sailkapeneko lehenengo lau postuetan dauden taldeak puntuetara berdinduta daude, eta horien artean daude Eskoriatzako neskak. Izan ere, denboraldia bikain hasi dute, lehenengo bi partiduak irabazita. Hori horrela, sailkapenean bigarren postuan daude, eta, hirugarren jardunaldia etxetik kanpora duten arren, hiru puntuen bila joango dira Anoeta taldearen aurka jokatzera. Partidua gaur, egubakoitza, jokatuko dute, 20:30ean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak