Eskoriatzako Berbalagun taldeen ikasturtea hasi berri, egitasmoa indartzeko, Berbalagunetako tonbola izango da gaur, eguena, 18:00etatik aurrera, Fernando Eskoriatza plazan. Sari ugari jasotzeko aukera egongo dela adierazi dute antolatzaileek, helburu nagusia, jende berria ezagutzea izango dela azpimarratuta.
Sari asko egongo direla adierazi dute antolatzaileek: kantinplorak, poltsak…, eta baita sari potoloa ere, hau da: asteburu pasa bat Nekazal etxe batean. "Oso erraza izango da parte hartzea. Baldintza bakarra ezarri dugu, adin nagusikoa izatea. Hori horrela, Fernando Eskoriatza plazan agertzeko dei egiten diegu herritarrei, gaur, 18:00etan. Hala, sariren bat edo beste jasotzeko aukera aprobetxatzeko, batetik, eta jende berria ezagutzeko aukera izango dutelako, bestetik".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.