Arrakasta duen egitasmoa izan ohi da, nahiz eta udako oporraldiaren bueltan izan bidaia kontakizunak. Hala ere, ideiak hartzeko baliagarria izan daiteke. Lehenengo kontakizuna eguen honetan, irailaren 16an izango da, 19:00etan, Zaldibar antzokian, eta Napolin eta Sizilian bizi izandakoak izango ditu berbagai Beñat Herce hizlari eskoriatzarrak. Irailaren 23an, berriz, Ainhoa Arizabaletak eta Karmelo Oñatek penintsulako arroilak izango dituzte berbagai.
Beste urte batez, zenbait herritar Zaldibar antzokiko oholtza gainera igoko dira beraien bidaia bateko esperientzia kontatzera. Nahi duten moduan egin ahal izango dute beraien bidaiako kontakizuna jendaurrean, eta azalpenak emateaz batera, interesdunek galderak egin ahal izango dizkiete hizlariei. Edizio honetan, bi bidaietako kontakizunak entzuteko aukera izango da, lehenengoa Beñat Herce hizlariaren eskutik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak