Uztaila eta abuztua bitartean, ikasturte berria hasi aurretik lanak amaituta izatea aurreikusten dute. Aldamioa eta segurtasuna bermatzeko sarea jarrita dute bertan ari diren langileek.
Zebra-bide berria
Aurrera begira, eskolatik irten eta Gorosarri plazako autobus geltokira doazenen haurrentzat, batez ere, zebra-bidea jarri nahi du Eskoriatzako Udalak, horien segurtasuna bermatzeko. Irisgarritasun planean jasota dagoen proiektu honek, gainera, ez die bakarrik eskolako haurrei eragingo. Kulunka haurtzaindegikoentzat, Joseba Iñurrategi pilotalekuko erabiltzaileentzat eta Santa Ana auzoko bizilagunentzat ere segurtasuna bermatze aldera egingo diren lanak izango dira.
