San Pedro eguna ospatzeko, meza bakarrik Zarimutzen

2014ko San Pedro jaietako meza, Zarimutzeko elizan.

San Pedro egunean, ekainaren 29an, ospatuko dituzte Zarimutz elizateko jaiak. Egitarau xumea antolatzen dute urtero: meza Zarimutzeko San Pedro elizan, luntxa eta trikitilariak. Urteren batean, Santa Agedako korua ere izan da abesten. Baina aurten ez da halakorik egingo.

Marije Fernandez de Arroiabe Zarimutz elizateko auzo-alkateak adierazi du aurten egitaraua murriztu egin behar izan dutela, egoera zein den ikusita, eta meza bakarrik izango dela. "Meza 12:00etan izango da, eta, horretarako, segurtasun neurri guztiak hartu ditugu. Urtero, Zarimutzeko, Maringo eta inguruetako auzoetakoak, bertan bizi garenon familiakoak eta herriguneko norbanako batzuk batzen gara, eta egun polita izaten da. Aurten, hala izan beharko du, eta, horrenbestez, datorren urtera arte itxaron beharko dugu, behar bezala ospatzeko".

2019ko San Pedro jaietan Zarimutzen egindako luntxean batutakoak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.