Eskoriatza futsal cup-en baitan, Irurtzun, Tafa FS, GFS, Salburua, Kukuiaga eta Eskoriatza taldeetako benjamin, alebin, infantil eta kadete mailetako jokalarien arteko txapelketa jokatuko da Manuel Muñoz kiroldegian. Ikasturte honetan ez dute lehiarik izan haurren kategorietako taldeek, eta haiek disfrutatzea da egitasmo horren helburu nagusia.
"Arabako, Gipuzkoako, Bizkaiko eta Nafarroako taldeak ekartzen saiatu gara, kategoria bakoitzeko, eta haiek ondo pasatzea eta haurrengan areto futbolarekiko zaletasuna sustatzea da nahi dena", adierazi du Narciso Pavok, Eskoriatza Kirol Elkarteko kideak.
Hitzaldia Zaldibarren
Zapatuko partiduak amaitzean, 18:00etan, Los valores en la base izeneko hitzaldia izango da Zaldibar antzokian. Areto futbolean esanguratsuak diren pertsonak izango dira hizlari: Teresa Aranzibia, entrenatzaile pertsonala eta kirolekoa; Jesus Candelas, areto futboleko entrenatzailea; Alvaro Gonzalez, kirol-psikologoa; eta Jaime Rodriguez, Areto Futboleko Entrenatzaileen Elkarte Nazionaleko (ANEFS) presidentea.
"Areto futbolean hasten diren haurrei zuzendutako hitzaldiak eskainiko dituzte gonbidatuek. Haurrekin nola komunikatu behar den, gatazka baten haurrean nola jokatu behar den… izango dute berbagai. Bakoitzak hamar eta hamabost minutu arteko tartea izango du azalpena emateko, eta gero, mahai-ingurua egingo da. Antzokiko edukiera mugatua izanda, areto futbol txapelketan arituko diren begiraleek izango dute lehentasuna; gero, klubeko begiraleek; eta ondoren, gainontzekoek".
Areto futbol saileko Eskoriatza futsal cup egitarauari amaiera emateko, zapatuko txapelketako finalak jokatuko dira, 09:30ean hasita, eta, ondoren, karta joko hezitzailea izango da haurrentzat, elkarren artean ezagutzeaz batera, areto futbolaz gozatu dezaten.
