Egitasmo hori HHko eta LHko haurrei eta gurasoei zuzenduta dago, etxean elkarrekin jolas daitezen. Edozeinek har dezake parte, eta asmakizunaren emaitzarekin whatsapp bat idaztea nahikoa izango da, haurraren izen-abizenak eta adina jarrita. Bost asmakizunetatik gehien asmatzen duen haurrak opari bat izango du eta irabazleak bat baino gehiago badira, zozketa egingo da.
Lehenengo asmakizuna apirilaren 23an zabaldu zuten, bideo baten bitartez. Erantzuna bidaltzeko epea hilaren 28an amaitu zen arren, hurrengo asmakizunetan parte hartzeko aukera dago. Egubakoitzean emango dute hurrengo asmakizunaren berri, eta datorren eguaztenera arte egongo da aukera erantzuna bidaltzeko.
Hona hemen asmakizunak aterako diren datak:
1. Asmakizuna
Apirilaren 23an zabaldu zen, eta erantzuna apirilaren 28rako eman behar izan zuten parte hartzaileek. Erantzunarekin batera, haurraren izen-abizenak eta adina jartzea eskatzen dugu.
2. Asmakizuna
Apirilaren 30ean zabalduko da eta erantzuna maiatzaren 5era arte izango da erantzuteko epea.
3. Asmakizuna
Maiatzaren 7an argitaratuko da eta erantzuteko azken eguna maiatzaren 12a izango da.
4. Asmakizuna
Maiatzaren 14an argitaratuko da eta erantzuteko azken eguna maiatzaren 19a izango da.
5. Asmakizuna
Maiatzaren 21ean zabalduko da eta erantzuna maiatzaren 26rako eman beharko da 688 601 374 ra whatsappez mezu bat idatzita