Hodei magoaren Harritzearen abilezia ikuskizuna izango da Zaldibar antzokian. Inpaktu handiko ekoizpena izango da ikusgai, joko landuekin, ilusio handiekin eta ideia originalekin osatutakoa. Zapatuan 19:00etan helduentzat zuzendutako ikuskizuna izango da eta domekan, familiei zuzendutakoa, 17:00etan.
Sarrerak salgai
Sarrerak Manuel Muñoz kiroldegian daude salgai; zapatuko saiokoak bost euro balio du eta domekakoak, hiru. Aldez aurretik saltzen ez direnak Zaldibar antzokiko leihatilan salduko dira ikuskizuna hasi baino ordu erdi lehenago.
Oholtza gainean egongo den Hodei magoaren azken lau ikuskizunetako ideia onenak batzen ditu proiektu horrek, eta 2020ko abuztua ezkero dago proposamen eszeniko ero hori ikusgai. Izan ere, ikus-entzuleak magoen dilemari buruz hitz egitera gonbidatzen dituen ikuskizuna da; horren harira, ilusioa eta engainua ditu hizpide.