Arrasateko aktorea gehiago ezagutzeko aukera izateaz batera, telebista plato bat, errealizazio gela bat eta erredakzio bat ezagutzeko tartea izan dute ikasleek. Izan ere, ikastetxe bakoitzeko lau ikaslek hartzen dute parte saio bakoitzean, modu zuzenean. Horietako bik elkarrizketatzaile lanetan, eta beste bik, saioa nola errealizatzen den zuzenean ikusita.
Martxoaren 10ean ikusi ahal izango da saioa, 21:30ean eta 23:30ean, Goiena telebistan
Gainera, ikasleak arduratu dira saioaren produkzioaz, eta bildutako materialarekin elkarrizketa prestatu eta Jokin Bereziartua Galdegazte-ko aurkezlea bidelagun izanda egin diote elkarrizketa Pagoagari. Ikus-entzuleek Pagoaga ezagutzeaz gain, aktorearen arlo intimoenaren berri ere izango dute, ikasleen lanari esker.
