Hori horrela, 17:00etatik 19:00etara bitartean izango da aukera buruarinak egiteko, eta izen-ematea abenduaren 23ra arte dago irekita. Horretarako, gazteria@eskoriatza.eus helbide elektronikora idatzi edo 943 71 46 88 telefono zenbakira deitu beharko da. Segurtasun distantziak bermatzeko frontoian egingo dela ikastaroa adierazi du Eskoriatzako Udalak, eta antolatzaileek eramango dute material guztia. Haur bakoitzak buruarin eredu bat aukeratu beharko du izena ematerakoan, eta, nork berea amaitzen duenean, etxera eramango du beretzat.
Hala ere, 4 eta 9 urte bitarteko haurrek heldu batekin lagunduta joan beharko dute buruarina egiten laguntzeko. Prezioa buruarin bakoitzeko, berriz, bost eurokoa izango da.
