Audentzia Nazionalean, 1985. urteko maiatzean, Gasteizko Mendizorrotzako kiroldegiaren inguruan bonba-auto bat jartzea egozten dio Ministerio Publikoak. Fiskaltzaren arabera, berak gidatu zuen autoa kirol-gunearen ingurura, "gutxienez 21 Polizia Nazionaleko kide hil nahi zituelakoan". Fiskaltzak 488 urteko kartzela-zigorra eskatu du Iparragirrerentzat.
Hiru aste inorekin hitz egin gabe
Marixol Iparragirre duela urtebete estraditatu zuten Frantziatik, eta bere hirugarren epaiketari ekin diote, gaur, Auzitegi Nazionalean. Marixolek adierazi duenez, urte hartan ez zen Araban egon. Horrekin batera, Frantziako espetxealdian egindako ikasketez hitz egin du, Espainiako espetxe sistema zorrotzaz… Horren harira, ziegan hiru liburu baino gehiago ezin dituela eduki adierazi du, eta hiru aste daramatzala inorekin hitz egin gabe…, besteak beste.
