Hasteko, zuhaitzak bota egingo dituzte eta zuhaitzak sartuta dauden espaloi zatiak kendu. Farolen artean espaloi zati bakarra jarriko da eta zuhaitz berriak landatuko dira.
Lan horiek direla eta, azaroaren 25etik 27ra bitartean, hau da aste honetako eguaztena eta egubakoitza bitartean, ezin izango da inguru horretan aparkatu. Egubakoitzetik aurrera, berriz, bi astez, bidegorriaren noranzkoan eskuma aldera geratzen diren aparkalekuetan (linean) bakarrik aparkatu ahal izango da. Ezkerraldeko aparkalekuetan, berriz, lanak iraun bitartean, ezin izango da aparkatu.
Bizikletak aparkatzeko gunea
Egingo dituzten lan horiekin batera, bizikletak aparkatzeko gunea ere egingo dutela bertan jakinarazi dute Eskoriatzako Udaletik, eta hori guztia egindakoan, asfaltatu eta margotu egingo da ingurua.