"Ekintza honekin pedagogia pixka bat egin izan nahi dugu, jendeari pentsarazteko. Indarkeriaren aurrean, "zapata ezberdinetan" edo hobeto esanda, pertsona ezberdinen zapatetan sartu gura izan gara, hala, herritarrek zapata horiek ikusi ostean, gizartearen gaineko erreflexioa egin dezaten", adierazi dute Eskoriatzan Feminismoa Bizirik taldeko kideek.
Azaroaren 25eko egitaraua
Azaroaren 25ean, Fernando Eskoriatza plazan tailerrak izango dira, 17:00etan. 3 eta 6 urte bitartekoentzako ipuin kontaketa izango da. 7 eta 10 urte bitartekoentzako antzerkia, eta, 10 eta 15 urte bitartekoentzat, aldiz, abestien aztertzea. Ondoren, 18:30ean, kontzentrazioa egingo da.
