"Partidu zaila izango zela bagenekien, Antigua-Luberri ligako talde onenetariko bat delako. Jokalariek altura handia dute, eta oso ondo jokatzen dute, gainera. Saiatu ginen arren, ezinezkoa izan zitzaigun aurre egitea, beraz galdu egin genuen partidua", adierazi du Zuhaitz Gonzalez Eskoriatzako saskibaloia senior emakumezkoen entrenatzaileak. Azkenean, partidua hala amaitu zen, (28-60).
Lehenengo laurdenean ondo hasi ziren Eskoriatzako neskak, baina, donostiarrak, hobeto aritu ziren. Hala, aritu ziren partidu guztian zehar, aurrea ezin hartu, hala ere, azken laurdenean erakutsi zuten etxekoek saskibaloian jokatzen badakitela. "Jokalariak motibatuta ibili ziren partiduaren amaiera aldera, eta lan txukuna eginda bukatu zuten, beraz, horrekin geratzen naiz", adierazi du Gonzalezek.
Hurrengoa, Lasarten
Datorren astean, Ostadar taldearen aurka jokatuko dute Lasarten Eskoriatzako senior emakumezkoek. Partidu zaila aurreikusten dute, baina, esperantza galdu barik, astean zehar etxeko lanak ondo eginda, joan gura dute partidura.