Marixol Iparragirrek ukatu egin zuen, atzo, martitzena, Auzitegi Nazionalean, 1997an Poliziak Oviedon zuen kuartelaren aurkako atentatua agindu izana, baina, Fiskalak 71 urteko kartzela-zigorra eskatu zuen, Oviedoko atentatua agindu zuelako.
Iparragirreren bigarren epaiketa izan zen atzo Auzitegi Nazionalean. Lehenengoan, uztailean egindakoan, 122 urteko kartzela-zigorra ezarri zioten, 1995ean Luciano Cortizo Lurreko Armadako komandantea hiltzea agintzeagatik.