Jarraibideak eman dizkiete elkarteko batzordekideek zozketetara joaten diren guztiei, eta Aldaypeko lokalaren bueltan seinaleztatuta jarri dute herritarrek egin beharreko ibilbidea. Lehenengo zozketa eginda, gaurtik aukera izan dute ehiztariek ehiza postuetara joateko.
"Oso ondo erantzun diete herritarrek zozketa egunera begira ezarritako neurriei, eta aurrerantzean ere modu berean erantzutea espero dugu". Gainera, gogo biziz daude ehiztariak", adierazi du Aldaype elkarteko presidente Oier Eskibelek. Izan ere, "azken hiru urteak ez dira hain onak izan", eta "esperantzaz daude eskoriatzarrak aurten zer pasako…".
Eguaztenero, Aldaypen
Intxaurtxuetako bederatzigarren atarian 18:00etatik 20:00etara izango dira zozketak, soilik eguaztenetan, eta 20:00etatik 20:30era bitartean adieraziko dituzte adjudikazioak. Lehen ez bezala, egun bakarrean aste barruko postuen berri emango da, eta baita asteburukoena ere.
Postu onena tokatzeko gogoz
Urtero moduan, ehiztariek bi lineatako postuak lortu ahal izango dituzte eguazteneko zozketetan: lehenengo linean 87 postu daude –Lete, Apotzaga eta Marin–; eta bigarrenean, berriz, 77 –parke naturala, Alabita eta Aranguren–.