Euskal Kopako fase erabakigarria antolatuko du Eskoriatzako klubak asteburuan. Oraingoan ez da etxeko ordezkaririk egongo, Donibane Pasaiako Afantxo delako ordezkari gipuzkoar bakarra, baina harmailetan ez da emoziorik faltako. Gainera, segurtasun neurriak zainduta ikusleak harmailetan egon ahal izango dira.
Zapatuan 16:30ean jokatuko dute Sasikoak eta Zierbenak lehen finalerdia, eta 19:00etan Otxartabek eta Afantxok. Finala domekan jokatuko dute (18:00), baina lehenago, motorrak berotze aldera, lagunarteko partidua jokatuko dute, 11:00etan, Eskoriatzak eta Narciso Pavok zuzentzen duen Laskorainek; Bigarren Nazional Mailako taldea da hori. Bestalde, harmailetan eserlekuak mugatuta egongo direnez, areto futboleko zaleek Eskoriatzak Youtuben duen kanalean jarraitu ahal izango dituzte partiduak.
