Osoko bilkuren aretoan dagoen mahaiaren bueltan esertzen dira, normalean, udal ordezkariak, baina, martitzenean egindako osoko bilkuran zenbait kide mahaiaren bueltan jarri arren, beste hainbat eserlekuetan izan ziren jarrita, elkarren arteko distantziak errespetatu eta segurtasunez jokatzeko. Tratatutako gaiei dagokienez, tramite aldaketak izan zituzten hizpide, kreditu aldaketa, eta horrekin batera, 2019-2023 dirulaguntzen plan estrategikoa aldatzea, besteak beste.
Genero berdintasunari arreta
Galde-eskeen tartean, osoko bilkurari amaiera emateko Nestor Arana EH Bilduko bozeramaileak honakoa adierazi zuen: "Gaurko osoko bilkurako mahaian gizonezkoak bakarrik zeuden, idazkaria izan ezik. COVID-19-ari aurre egiten aldiz, komertzioan, garbiketan eta osasungintzan emakumezkoak izan dira nagusi. EH Bilduk autokritika egitea du egoera honen aurrean, argazki honek erakusten bai digu oraindik berdintasunera heltzeko pausu gehiago eman behar direla. Inoiz baino garrantzitsuagoa ikusten dugu, COVID-19-ren, eraginpean genero berdintasunari arreta berezia eskaintzea."
Tramite kontua
Irailaren 29an, 18:00etan, era telematikoan ezohiko osoko bilkura izango dute.