Garrastatxuko igoera egiteko gogoz eta emaitza ederra lortuta, pozik agertu da garaipenarekin eskoriatzarra: "Behin, Euskal Herriko Itzuliko etapa bat bertan amaitu zen, eta bertako portua egiteko gogoz nengoen. Hala ere, hiru ordu eta erdi inguruko bidea luze egin, eta aspertu egin nintzen pixka bat. Orain, ohituago nago mendiko bizikletara, eta gehiago disfrutatzen dut". Asteburu honetan Valladoliden jokatuko den Espainiako txapelketan izango da Eskibel; oraingoan, baina, mendiko bizikletarekin.
Arlabanen gora, topera
Baranbioko lorpenarekin batera, asteburuan Strava mugikorreko aplikazioa erabilita errekor bat lortu du Eskibelek Arlabango mendatean. Bidea markatu, egindako denbora, abiadura eta beste zenbait ezaugarri eskaintzen ditu aplikazio horrek, bide bera egin dutenen sailkapena adierazten du. Hala, Eskibelek errekorra lortu du Arlabanen, 13.01eko denborarekin, 6,3 kilometroko portua igota. 29 kilometro orduko batez besteko abiaduran.