Ikus-entzunezkoa osatu duten gurasoen seme-alabak Arizmendiko Jose Arana gunetik Almenera pasatzen dira, Lehen Hezkuntzara, eta Esker+onez+zuretzat izenpean argitaratu berri dute lana. "Bost guraso musikari izanda, ideia polita iruditu zitzaigun Lorea Erzilla irakasleari eta, orokorrean, guneari kantu bat egitea. Horretarako, abestiaren letra egin, irudiekin osatu, eta lanaren emaitzarekin gustura geratu gara. Hala ere, kantuak baino garrantzi handiagoa du mezuak", adierazi du kantuaren sortzaileetako batek.
Maitasunez egina Abestiaren letrarekin argi utzi dute Lorea Erzilla irakaslearen lana miresten dutela Jose Aranako haurren gurasoek: Pasarte onak gogora ekarriz, agurtzen garen honetan, momentu gogor eta ilunak aldiz, utziaz alde batera!, txoko honetan eman dizkiguzu bizitzako ikasgaiak, hemendik kanpo ere irakasten, lehen bezala orain eta gero! Kantutxu hau eskertzeko, zure lana, ekimen eta jarrera, goxotasun eta irribarrez, ama baten maitasunez…