Etxafuego eta su artifizialekiko zaletu amorratua bera, hauek botatzearen ardura izan du urteetan Eskoriatzan; betiere ilusioz, gogoz eta pasio handiz. Azken urteotan, gainera, musika eta suzko erruberak konbinatutako ikuskizunaren ardura izaten zuen, San Inazio egunean, uztailaren 30ean.
Horrekin batera, musikazale sutsua ere izan da Zubia; Fernando Eskoriatza plazan domekero musika jartzen zuen, elizan, erretiratuekin edo musika eskolakoen emanaldietan ere soinu ekipoaren arduradun gisa ere jardun izan du. Horrekin batera, Eskoriatzako banda zaharrean aritu zen, hau desagertu eta Arrasateko bandan aritu zen. Garai hartan, 1965. urte inguruan Los Kelwers izeneko musika taldean ere aritu zen, baina, soldaduskara joan zenean, taldea desegin zen. Gero, Eskoritzako banda berrian ere hasi zen, sorreran, baina utzi egin zuen.
Herriko ekitaldi askotan parte hartutako eskoriatzarrak ez zuen, soilik, festa egunetako hitzorduetan laguntzen. Izan ere, 1991-1995 agintaldian zinegotzi izan zen EAtik, Manu Villar alkate alkate zela.
