Ekitaldi sinbolikoak izango dira sanpedroetan

COVID-19ak eragindako osasun alertaren ondorioz, udalak San Pedro jaiak bertan behera uztea erabaki zuen. Hala ere, jai izpirituaren eta udalerriaren nortasunaren zati bat aldarrikatzeko, programazio xume bat antolatu da udalerriko hainbat talderekin elkarlanean.

Honakoa da jaietarako Udalak antolatu duen egitaraua:

Ekainak 28, domeka

10:00 Diana txistulariekin
13:00 Trikitilarien kalejira
18:30 Kanpai doinuak
19:00 Bandaren kalejira
21:30-23:30 Danborradako Soinuak DJ Motorekin auzoz auzo.
Irten balkoira zure danborrarekin!!

Ekainak 29, astelehena

10:00 Diana txistulariekin
12:00 Meza nagusia San Pedro parrokian.
18:30 – 22:30 'Musika kalean' DJ Motoren kalejira auzoz auzo.
19:00 Bandaren kalejira.

Ekainak 30, martitzena

12:00 Hildako guztien aldeko meza

Balkoiak apaintzea

Horrekin batera, itxialdian balkoiek izen duten protagonismoari keinu eginez, udalak eskoriatzar guztiak etxeko balkoiak eta leihoak apaintzera animatzen ditu ikurrinekin eta Eskoriatzako banderarekin, besteak beste. Eskoriatzako banderak salgai daude honako saltokietan: Dorleta liburudenda, Zarus goxo-denda, Carmen mertzeria eta Compostela taberna. Prezioa: 10 euro.

Teleskoko bideoak

Horrez gain,  YouTubeko Eskoriatza Bizirik kanalean, ekainaren 28tik aurrera, 1986tik aurrerako Teleskoko bideoak jarriko dira, San Pedro jaietan orduan egiten ziren ekintzak batzen dituztenak:  bigantxak, danborradak… eta baita Eskoriatzako ereserkia estreinatu zeneko bideoa ere, 1988. urtekoa.

Goienan zuzeneko emanaldia

Goiena Telebistak, bestalde, San Pedro jaiei buruzko programa berezia grabatuko du, ekainaren 29an, astelehenean, arratsaldeko 18:00, 20:00 eta 22:00etan emitituko duena.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.