"Atama taldeko kideentzat zenbait bideo egin ditut, eta horiek bidali dizkiet, ariketak egin ditzaten. Horrekin batera, Espainiako Kenpo Selekzioarentzat asteroko saioak eskaini ditut, online. Ariketa horiek egiteko plataforma ezberdinak erabili ditut. Ez da modu berean entrenatzen, eta arraroa da; interakzioa egotea oso garrantzitsua da, eta itsuan egiten duzu lan. Hala ere, esperientzia berria eta interesgarria izan da", adierazi du Rafa Carriet entrenatzaileak.
Rato eta Beloki, prestatzen
Atama taldeko Leire Rato eta Mikel Beloki, berriz, denboraldi berria prestatzen ari direla gaineratu du Carrietek. "Leire topera ari da lanean eta Mikel, berriz, sorbaldako operaziotik errekuperatzen ari da, bakoitza bere entrenamendu planarekin".
