Matrikula zabaldu dute Beheko Errota musika eskolan

Musikak duen garrantzia azpimarratuz, Eskoriatzako Beheko Errota musika eskolak matrikulazioa zabaldu du aste honetan, eta uztailaren 15era bitartean egongo da irekita.

Musika eskolak eskaintzen dituen ikastaroak honakoak dira: txistua, musika tailerra, dantza, kantua, pianoa, klarinetea, saxofoia, flauta, biolina, biolontxeloa, tronpeta, tronboia, tronpa, akordeoia, gitarra klasikoa eta elektrikoa, perkusioa, bateria, musika-hizkuntza eta koroa.

2020-2021 ikasturtera begira 4 urtetik gorako edozeinentzat zuzenduta dago, eta musika instrumenturen bat jotzen ikasi nahi duenak zenbait datu bidali beharko ditu, musikesko@ hotmail.com helbide elektronikora idatziz edo telefonoz deituta 943 71 49 95 zenbakira. Bidali beharko diren datuak honako hauek dira: izen-abizenak, adina eta jaiotza-data, ikasi nahi diren ikasgaien izena, eta kontakturako telefono zenbaki bat.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.