Otsailaren 28an, 22:00etan, Treeline (40 minutu) eta Climbing Blind (57 minutu) filmak ikusi ahal izango dira. Martxoaren 1ean, 19:00etan, berriz, Harria Harria (7 minutu), Nebula (13 minutu) eta Cholitas (80 minutu) filmak.
Egun bakoitzeko sarrerak hiru euro balio du eta bi egunerako bonua nahi duenak, berriz, bost euro ordaindu beharko ditu. Sarreren salmenta aldez aurretik egin daiteke, Manuel Muñoz kiroldegira joan eta bertan erosita edo, aretoan lekua egonez gero, proiekzioen egunean bertan antzokiko leihatilan erosteko aukera izango da.