Zapatu honetan, Eskoriatzako elkarte gastronomikoen arteko mus txapelketa jokatuko da. Guztira, bost elkartetako ordezkariak batuko dira –Egokiena, Elizoste, Dorleta, Apotzagako Auzo-Etxe eta Errementei Batzokia–, 16:00etan, Egokienan, eta lehia handia egongo dela adierazi dute antolatzaileek
"Duela urte dezente egiten zen elkarte gastronomikoen arteko txapelketa hau; 12 bat urte, esango nuke nik. Gehiago, agian. Hala, berreskuratu egin dugu, eta, teorian, elkarte bakoitzean egindako txapelketetako finalistak batuko dira zapatuan, Egokienan, musean aritzeko", adierazi du Roman Ezeizak.