Aratuste-martitzenean, eta urtero moduan, Eskoriatzako ikastetxeetako haurrek dantza jaialdia izan dute Joseba Iñurrategi pilotalekuan. Bertan batu dira Luis Ezeiza eta Arizmendi ikastetxeetako haurrak dantza egiteko, eta mozorro ederrak jantzita joan dira bertara. Euskal Inauterietako pertsonaiak, edo, Aldaketa Klimatikoaren inguruko mozorroak ikusi ahal izan dira bertan, besteak beste.
Joseba Iñurrategiko harmailak beteta izan dira haurren dantzak ikusteko. Ondo prestatuta eraman dituzte pausu guztiak, eta hala demostratu die bertaratu direnei.
Arratsaldean, bestalde, Kukumarruak izango dira Fernando Eskoriatza plazan, eta horrekin batera, DJ Tirapuk musika jarriko du plaza girotzeko, eta Aratusteei agur esateko asmoz.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.