Astelehenean, Pagaldai oso maitatua zela argi geratu zen Eskoriatzako San Pedro elizaren bueltan, azken agurra emateko batu ziren guztien begietan. Errepidea moztu egin zuen Udaltzaingoak, eta kale guztia motorrez beteta egon zen. Gainera, Jose Aranatik elizara bitartean motorrak jarri zituzten, pasabidea eginda, Pagaldairen zaletasun gustukoena azpimarratzeko asmoz.
Horrekin batera, elkartasun eta maitasun mezu ugari izan dira egunotan sare sozialetan. Horietako bat da Karmelo Oñate ilustratzaileak "maitasun osoz eta inoiz baino negar gehiago eginda" sortutako marrazkia. [Oroigarria]