Eskoriatza Kirol Elkarteak antolatuta, Astunera –Jaka– eskiatzera joango dira asteburuan zenbait eskoriatzar. Izena emateko azken eguna egubakoitza da, Namasten belar-dendan egin daitekeena, bertara joanda, 943 71 43 27 telefono zenbakira deituta, edo, eskoriatzamt@gmail.com helbidera idatziz. Prezioa, berriz, 140 eurokoa da.
Urtero egiten den irteerara begira, 25 pertsona inguru batu dira aurten, oraingoz, baina, oraindik gogoa duenak,egubakoitzera arte du aukera izena emateko.
Zapatuan, goizaldeko 05:30ean irtengo dira Eskoriatzatik, eta, eguna eskiatzen aritu ostean, gaua, Villanua herrian pasako dute. Domekan ere eskiatzeko aprobetxatuko dute, eta buelta, berriz, domekan, 21:00ak aldera izango da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.