Garaipena ezin lortuta geratu da gaurkoan Eskoriatza areto futbol taldea, Antiguoko taldearen aurka etxean jokatutako partiduan. Lehen zatian aukerak "nahiko berdinduta" egon diren arren, Antiguoko taldeak lortu du partiduko gol bakarra egitea. Eskoriatzako jokalari den Xabi Iñurriak azaldu duenez, bi taldeek "aukera politak" izan dituzte markagailuan aurretik jartzeko baina Antiguoko jokalariek aurrea hartzea lortu dute. Aurkariaz galdetuta eta Iñurriak aitortu duenez, "bagenekien ez zela partidu erraza izango eta puntuak etxean geratzeko borrokatu egin beharko genuen".
