Santa Ageda dantzak plazan

Martitzenean eta eguaztenean santa-eskean ibili eta gero, eguazten arratsaldean, Santa Ageda egunean, dantzak egin zituzten 2002an jaiotako 41 neska-mutil eskoriatzarrek Fernando Eskoriatza plazan. Txistularien laguntzarekin plazaraino iritsi, eta bertan, desafioa, banakoa eta agurra dantzatu zituzten. Baita fandangoa eta arin-arina herritar, lagun eta familiartekoekin batera ere. Ohiturari jarraituz, domeka honetan, dantzen errepikapena izango dute. Hala, 19:00etan, dantzak egingo dituzte plazan, jendaurrean.