09:30ean, Fernando Eskoriatza plazan batzeko deia egin du Eskoriatzako greba batzordeak, batetik, sindikalistei harrera egiteko, gosari kolektiboa egiteko eta aldarrikapenak zabaltzeko. 18:00etan, berriz kontzentrazioa egingo dute plazan. Baldintzak onak badira, herria zeharkatuko dute, lan-pentsio-bizitza duina eskatzeko modu zaratatsuan.
Zenbait enpresa grebarekin bat
Eskoriatzako zenbait enpresek ere bat egingo dute urtarrilaren 30eko grebarekin, –Humanitate eta Hezkuntza Zientzien Fakultateak, Luis Ezeiza Herri Eskolak, Arizmendi ikastolak, Eroskik, Tesak, Ezkurrak–, eta baita, Udalak ere.
Udalaren kasuan, bermatu beharreko gutxieneko zerbitzu batzuk izango dira. Horretaz gain, jakinarazten da bihar itxita egongo direla kultura etxea, biblioteka eta Ibarraundi museoa. Kiroldegia 12:30ak arte egongo da zabalik.