Eskoriatzako bidegorria itxita egongo da hiru egunez

Kanposantu gainealdean dagoen maldan dauden pinuak ateratzen ari direnez eta oinezkoentzako segurtasuna bermatzearren, bidegorria gaurtik –martitzena– eguenera (biak barne) itxita egongo da, hain zuzen ere Intxaurtxuetako oinezkoentzako pasabidea eta Olazarko tunelaren arteko bide-zatian.

Lanak goizeko 8:30etatik eta arratsaldeko 17:30etara bitatean egingo dira, beraz ordutegi horretan egongo da itxita bidegorria. Gainontzean, bidegorria erabiltzeko moduan egongo da.

Zuhaitzen adarrak mozten

Horrekin batera, Eduardo Gorosarri plazan, Anbolategi atzeko kalean dauden zuhaitzak kimatzen ari dira lorezainak, goizetik. Hala, eguerdira arte behintzat, bertan ez aparkatzea gomendatzen da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.