"Oso pozik gaude Gabon egun hauetarako antolatu dugun egitasmoak izan duen harrerarekin. Haurrentzat soilik barik etxekoekin batera buztinarekin jolasteko, ikasteko eta imajinazioa lantzeko saioak izan dira", adierazi du Buztinate elkarteko Olatz Pagalday kideak.
Zazpi familia elkartuta
Horrekin batera, Pagaldayk gaineratu du zazpi familiak hartu dutela parte eta giroa ezin hobea izan dela: "Buztingitza familian saioak izanda, zazpi familia izan ditugu; 14 lagun, guztira. Hala, balorazio positiboa egiten dugu bertan irakasten aritu garenok. Hori horrela, aurrera begira halako gehiago egitea ez dugu baztertzen…".