Eduki hau partekatzeko esteka arbelera kopiatu da.
Abenduaren 24an, Apotzagatik traktorean jaitsiko diren Olentzerori eta Mari Domingiri ongietorria egingo diete herritarrek, Intxaurtxuetan. Handik hasita, kalez kale, Gabon kantak abestuko dituzte, Fernando Eskoriatza plazara iritsi arte. Bidean zehar zein amaieran, herriko gaztetxoenek Olentzerorekin eta Mari Domingirekin egoteko aprobetxatuko dute.
Abenduaren 24ean, goizetik izango dira ekintzak herri erdigunean. Izan ere, 12:00etatik 13:00etara bitartean, Olentzeroren laguntzaileak haurren eskutitzak jasotzen izango dira plazan. 12:00etatik 12:30era, Gabon kantak abestuko dituzte herritarrek, eta 13:00etan, Trikitixa Eskolakoekin kalejira izango da. Honekin batera, goizean zehar gaztaina erreak egiten izango dira plazan, eta hauek jateko aukera ere izango da.
Arratsaldean, urteroko ohiturari jarraituz, 17:30ean, Jose Arana zaharren egoitzara Gabon kantak abestera joango dira zenbait herritar.
