The Baboon Show taldearen 'Radio Rebelde' abestia moldatu du Eskoriatzako familia batek

Imanol Beloki Unamuno 2019ko abe. 12a, 16:37

The Baboon Show talde suediarraren Radio Rebelde abestia grabatu du Eskoriatzako familia batek etxeko egongelan. "The Baboon Show taldeko musikariei baimena eskatu genien abestiaren moldaketak egiteko, egile-eskubideak medio, eta beraien oniritziarekin, abestiaren letraren zentzua zertxobait aldatu dugu, eta euskarazko letra jarri. Arrazoi batengatik edo besterengatik, bereziki, Gabonetan sufritzen dabiltzan lagun eta familiakoei eskeintzen diogu moldaketa hau…", adierazi du Inaxio Herrera moldaketaren egileak.

Itoitz, Ilargi, Larraitz eta Iñaxiok etxeko egongelan moldatutako bigarren kantua da. Izan ere, iaz Bob Marley musikariaren Songs of Freedom abestia moldatu zuten, eta ohituru honi jarraipena eman gura izan diete eskoriatzarrek. 

Aurtengo Gabonetan rockero gatoz… Igo bolumena ta gora bihotzak! ohikatuz hasten den Gabonak Kantari, Radio Rebelderen sintonian kantua etxean sortu du Eskoriatzako familia honek, The Baboon Show taldearen Radio Rebelde abesti originala oinarri hartuta. "Ordenagailuarekin teklatua, bateria, gitarra eta baxua jarri diot, eta mikrofono on bat erosi berri, etxeko guztion artean jarri diogu letra abestiari…", adierazi du Herrerak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak