Eskoriatza Kirol Elkartetik korrika talde bat sortzeko gogoz ari dira zenbait herritar. Korrika egiten hasteko gogoz ari direnei zuzenduta, eta Gabez Takarraran mendi lasterketa noizbait egiteko gogoa sentitu dutenentzat izango da, besteak beste.
Hala, lehenengo hitzordua zapatuan izango da. 09:00etan, Manuel Muñoz aurrean batuko dira, eta korrika egiteko gogoa izatea eta arropa erosoa eramatea gomendatu dute antolatzaileek.
"Herritar orori zuzenduta dago. Hala, zapaturo egingo dugu hitzordua kiroldegi aurrean. Agertzen direnen arabera, ibilbide bat edo beste egingo dugu, eta asmoa aste barruan ere batzea da", adierazi du Julian Mari Ezeiza taldeko kideak.
Bizitza osasuntsua bultzatzea, kirola praktikatzea, talde giroa eta pertsonen arteko lotura bultzatzea eta Gabez Takarraran lasterketa modu erosoan amaitu ahal izatea dira taldearen helburuak. Informazio gehiagorako: Eskoriatzamt@gmail.com.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
